uamloc
T]ak .i. quart of oyle de olyve & set it ovir
þe fyr til it be molte & þanne put þerto dimidium libram
of red led & as þey boyle to gedre preue on
þi knyf if it be wel blak & elles boyle it more til
it be wel blak & breke .i. quartroun of mede wex
& melte it with þe oþir aforeseyd and whanne it
is molte take it from þe fyr & let it stande til þer
aryse na mor smoke. þanne loke þu have redy dimidium
quartroun of mastyk. dimidium quartroun of olibanum dimidium quartroun of
litarge of gold in þe latter ende mak alle þese
thre in powdir & strowe it upon þe oþir mater
aforeseyd evir steryinge & medlynge wel wyth a
sclyce & whanne it nyggh cold mak it vp on kakis
// or rollis.
as.
T]ak .i. potell of oyle de olyvis & to þat .i.
vnce of frankencense. of mirre .i. vnce
of Galbanum .i. vnce of mastice .i. vnce of sclaten-
cence .ii. libras& dimidium of verdegrece .i. vnce.